Daghang pamaagi ang gigamit sa mga rebelde aron madani ang pipila ka indibidwal sa ilang grupo, matud ni LTC Julius Taniza, INF (GSC) PA, Battalion Commander sa 73rd Infantry Battalion sa Philippine Army.
Usa sa labing dako nga hinungdan mao ang kakabus, labi na sa mga komunidad nga kulang og panginabuhian ug oportunidad.
Ginapahimuslan usab sa mga rebelde ang kakulang sa serbisyo sa gobyerno, diin ang presensya ug programa sa pipila ka lugar wala pa hingpit nga mahatag.
Tungod niini, dali nilang maimpluwensyahan ang mga residente pinaagi sa pagpanghimakak nga ang gobyerno wala nagtagad sa ilang kahimtang.
Ikatulo, ang kakulang sa kahibalo sa pipila ka katawhan bahin sa tinuod nga programa ug kalihokan sa gobyerno naghatag og oportunidad sa mga rebelde sa paglapas sa kamatuoran ug pagpanglimbong aron makabuhat og sayop nga pagsabot batok sa gobyerno, ilabi na sa mga komunidad nga nahimutang sa Geographically Isolated and Disadvantaged Areas (GIDA).
Pinaagi sa pagpalig-on sa impormasyon ug serbisyo sa gobyerno, mapugngan ang pagpangdani sa mga rebelde ug mapalambo ang kalinaw ug seguridad sa komunidad
