Anaa sa 73% o halos tulo sa matag upat ka mga Pilipino ang nagkanayon nga angayang muatubang si Vice President Sara Duterte sa Senate impeachment trial aron nga tubagon ang mga alegasyon batok kaniya.
Kini base sa survey nga gihimo gikan Pebrero 10 hangtud 12 kung asa gikuha ang opinyon sa 2,400 ka mga respondents gamit ang mobile-based platform aron makuha ang sentimiento sa publiko kalabutan sa impeachment case nga giatubang ni Duterte.
Matud pa sa survey, 51% ang gasuporta sa impeachment case, samtang 22% ang undecided, og 27% ang babag.
Ang may daghang suporta ang gikan sa Luzon, partikular sa Metro Manila, Southern Luzon, Central Luzon, og Northern Luzon.
Ang labing daghang gababag sa impeachment ang Mindanao nga balwarte sa mga Duterte.
Gawas sa assassination plot, lakip sa alegasyon batok kang Duterte ang iregularidad sa paggamit sa confidential fund sa Office of the Vice President og Department of Education (DepEd).
Samtang anaa sa 51% ang uyon nga imbestigahan ang wala pagkatugma nga bahandi sa VP Sara og angayang ibutang sa
Statement of Assets, Liabilities, and Net Worth (SALN), samtang 33% ang babag niini.
Lakip sa survey ang posibleng epekto sa impeachment sa 2025 mid-term elections.
Matud pa nga upat hangtud sa lima sa matag 10 ka rehistradong botante ang nagkanayon nga ilang botohon ang mga
senatorial candidate ang wala gasuporta sa impeachment.
Samtang 25% ang nagkanayon nga dili nila botohon ang mga pro-impeachment candidate.
