-- ADVERTISEMENT --
GENERAL SANTOS CITY – Bali ang tiil ug nakaangkon ug mga bun-og sa kalawasan ang usa ka 6-anyos nga batang lalaki human mahagbong sa punuan sa santol, ug naligsan pa ug motorsiklo.
Giila ang nasampit nga bata nga si Joel Villon, taga-Litan, Brgy Sinawal ning dakbayan.
Natigayon ang insidente sa Sinawal Extention Road, kung asa nahagbong ang nahisgutan human nabali ang gigunitan ug sanga.
Wala usab nakamatikod ang nagpadulong nga motorsiklo hinungdan nga naligsan gayud ang naasoy’ng bata.
Sa pagkakaron padayong nagpaalim sa Dr. Jorge P. Royeca Hospital ang nasampit nga bata.
-- ADVERTISEMENT --
