GENERAL SANTOS CITY – Malampuson nga nailog sa taga Philippine Drug Enforcement Agency ang 51 ka mga vape cartridges nga adunay unod nga suspected marijuana oil gikan sa tulo ka mga suspek atol sa gihimong buy-bust operation sa PDEA Regional Office 12 sa miaging adlaw, April 11, 2024, alas 3:35 sa hapon sa may Purok Maunlad, Apopong ning syudad.
Una nga nag organisa ang PDEA 12 ug mga operating team ug gipatuman ang usa ka buybust operation nga nagresulta sa pagkadakop sa mga suspek nga silang Juanito Cuevas II, 27 anyos , Leigh de Leon, 22, ug Cris Jay Andolana, 22, pulos residente sa dakbayan.
Matud sa PDEa ang matag vape cartridge ang nagkantidad ug 3,500 pesos kon anaa sa P178,500.00 ang kinatibuk-ang kantidad sa illegal drugs nga nakasulod sa vape cartridge.
Kaso nga kalapsan sa Section 5 ug 11 sa Article II sa RA 9165 ang gipsaka batuk sa mga dinakpan. Nasuta nga ang vape products nga may sulod nga marijuana oil ang makadaot sa lawas sa tawo.
