GENERAL SANTOS CITY – Singkwenta ka mga mayors gikan sa tibuok nasud ang gilaumang muabot karong adlawa dinhi sa siyudad isip mga delegado sa League of Cities of the Philippines.
Kini alang sa ilang tulo ka adlaw nga panagtigum dinhi sa siyudad. Matud kang Mayor Ronnel Rivera, ang nasampit nga ihap maoy nagkumpirma sa pagtambong sa ilang panagtigom, base sa labing ulhing impormasyon nga iyang nadawat.
Sagad sa mga nahisgutan ang gikan sa Luzon ug Visayas.
Apan gilaumang daghan ang mga taga kasikbit nga mga siyudad ang mutambong usab.
Kahibaluan nga ang agenda nga pagahisgutan sa maong panagtigom mao ang nagkadaiyang mga isyu nga gikambigitan karon sa nasud.
Gawas sa mga executive meeting nga ipahigayon, muadto usab ang mga delegado sa mga canning factories sa siyudad lakip sa GenSan Fish Port Complex ug sila usab ang mamahimong nag-unang bisita sa opening sa Kalilangan 2017 sa Oval Plaza sa pebrero 22.
