Magpatuman ang Kamara ug lima ka reporma alang sa 2026 national budget ug proseso sa pagpatuman.
Mihimo si Speaker Romualdez sa maong pamahayag atol sa ceremonial turnover sa National Expenditure Program (NEP), ang P6.793-trillion nga 2026 budget proposal ni President Ferdinand “Bongbong” R. Marcos Jr..
Ang lider sa Kamara miingon nga ang mga reporma nagtumong sa pagsiguro sa hingpit nga transparency ug pag-apil sa publiko pinaagi sa people’s organizations sa budget deliberation tungod kay ang budget kwarta sa katawhan.
Usa sa mga reporma nga ipatuman sa Kamara mao ang pagwagtang sa gamay nga komite nga naga-collate sa mga institutional amendments.
Ikaduha, ang pag-abli sa komperensya sa House-Senate aron matul-id ang ilang lain-laing mga bersyon.
Ikatulo, ang partisipasyon sa Civil Society, people’s organizations ug private sector kay ang national budget dili iya sa mga politiko, kwarta kini sa matag Filipino taxpayer.
Ikaupat mao ang pagpalig-on sa House oversight function sa pagpatuman sa budget.
Si Speaker Romualdez niinsistir nga ang diskusyon kinahanglang abli sa publiko ug ang tanang amendment kinahanglang mahibaloan sa katawhan.
Gipasalig ni Speaker Romualdez nga ilang susihon ang matag panid sa NEP.
