GENERAL SANTOS CITY – Gibalhin sa lokal nga gobyerno ang 49 ka mga pamilya ang anaa sa listahan sa City Housing and Land Management Offfice (CHLMO) didto sa Guardian Hills sa Bawing ning dakbayan .
Sumala pa kang Mary Ann Bacar ang labaw sa nasampit nga buhatan nga ang nahisgutang mga pamilya ang nagpuyo kilid nga bahin sa city jail sa Lanton, Apopong ning syudad.
Matud ni Bacar nga angay gayud mabalhin ang mga nasampit nga pamilya tungod sa bahad sa seguridad.
Kahibaluan nga nakaabot na ang maong problema sa Sanguniang Panglungsod kung asa gitubag na kini ni kanhing City Jail Warden Peter Bongat.
Gibutyag nga ang mga nasampit nga mga residente ang ilegal nga nagpatukod sa ilang balay sa kilid sa city jail.
Angayang malimpyohan ang palibot sa city jail tungod daghan ang nakadetina nga mga high risk nga mga bilanggo sa maong prisohan.
