GENERAL SANTOS CITY- Mukabat sa 49 ang bag-ong kaso sa COVID 19 ang natala sa Region 12 base sa report sa DOH – Center for Health Development Soccsksargen Region.
Sa maong report anaa sa siyam ang recoveries og usa ang patay gikan sa Pigcawayan, Cotabato.
Sa nasampit nga ihap 20 ang gikan sa South Cotabato, 17 sa Sultan Kudarat, pito sa Sarangani, tulo sa Cotabato og duha sa Gensan.
Gumikan niini anaa sa 2,209 ang kaso sa COVID 19 sa Gensan, 98 ang active cases og 86 ang patay.
Sa South Cotabato anaa sa 1,759 ang kaso, 71 ang active cases og 49 ang nakabsan sa kinabuhi.
Sa Cotabato adunay 970 ka kaso, 49 ang active cases og 43 ang nagtaliwan.
Samtang sa Sultan Kudarat adunay 657 ka kaso, 53 ang active cases og 18 ang patay.
Sa Sarangani may 613 ka kaso, 25 ang active cases og 18 ang patay.
Sa katibuk-ang adunay 6,208 COVID-19 ang confirmed cases sa Region 12 kung asa 294 (5%) ang active cases, 5,688 (92%) ang recoveries og 224 (3.62%) ang COVID-19 related deaths.
