42 patay human mahulog sa bangin ang bus sa South Africa

Patay ang 42 katawo human ang bus nga ilang gisakyan nahulog sa bung-aw sa South Africa.

Namatay ang tanang Zimbabwean ug Malawian national sa insidente nga nahitabo sa bukirong bahin sa Limpopo province sa South Africa.

Sa inisyal nga imbestigasyon sa mga awtoridad nagpakita nga nawad-an og kontrol ang drayber hangtod nga nahulog sa lawom nga bahin sa bukid ang maong bus nga gikan sa Gqeberha City sa Eastern Cape.

Ang Presidente sa South Africa nga si Cyril Ramaphosa nagpahayag sa iyang pahasubo sa mga biktima, labi na sa mga namatay, lakip ang pito ka mga bata.

Ang mga otoridad nagpadayon sa ilang imbestigasyon sa tinuod nga nahitabo.