Kapin sa P680 million nga kantidad sa shabu ang nakumpisk sa mga otoridad atol sa gipahigayon nga routine checkpoint operation Purok Ligaya, Brgy. Carpenter Hill, Koronadal City.
Sa maong operasyon naaresto ang upat ka mga suspek nga maoy nagbiyahe sa maong suspected illegal drugs.
Atol sa checkpoint gipapahunong ang usa ka puti nga Nissan Almera sedan apan inay nga mutuman, ang gihimo sa driver nga miadto sa laing lane dayon paspas nga nagpadagan og sakyanan.
Apan nakig-alayon ang mga otoridad sa patrol vehicle dayon nagmontar og checkpoint hangtud nga naaresto.
Ang upat ang nailhan nga silang Alias “Gar”, 44, taga General Santos City; alias “Juls”, 42, taga GenSan, alias “Mary”, 42, residente sa Koronadal City; og alias Nels, 40, nga taga Koronadal City gihapon.
Sa gihimong inspection, nakit-an ang duha ka dako nga sachet sa shabu.
Ang pagkaaresto sa mga nasampit ang pagpamatuod sa hugot nga kampanya sa kapulisan batok sa ilegal nga droga.
