SOUTH COTABATO– Gibawian sa kinabuhi ang duha ka mga magtutudlo og usa ka estudyante sa natigayong vehicular accident sa National Highway, Purok 3, Crossing Rubber, Tupi, South Cotabato, pasado alas-9 kagabie.
Giila ang tulo ka babaye nga biktima nga silang Rezile Joy De Padua, 28-anyos, single, instructor sa SEA-IT, residente sa Libertad, Poblacion, Surallah, South Cotabato, og drayber sa motorsiklo; samtang ang mga angkas niini giila nga silang Jonaira T. Ambaco, 24-anyos, single, Criminology Student sa SEAIT, residente sa Kematu, Purok Sentro, T’boli, South Cotabato og usa ka Glykiel Jade Bico, magtutudlo usab sa SEAIT, og residente sa Barangay Zone IV, siyudad sa Koronadal.
Kini ang gikumpirma ni PSMSGT Rea Gatinao- Information Officer sa Tupi PNP sa interview sa Bombo Radyo.
Sumala kang Gatinao- Information Officer sa Tupi PNP, ginasubay sa mga biktima nga sakay sa motorsiklo ang National Highway gikan sa direksyon sa Koronadal padulong sa Tupi, apan pag-abot sa nasampit nga lugar nga gikahitabuan sa insidente, dali-dali nga nag-overtake ang mga nasampit gani nabunggo sa nakasugata nga Toyota Hilux Cargo van nga ginamaneho ni Anthony Teloren, 53-anyos, may asawa, drayber sa usa ka telecompany nga gikan usab sa direksyon sa General Santos City padulong sa Koronadal.
Karong Lunes, Uktobre 28 nagpakita og simpatya sa SEA-IT sa napatay nga CCJE instructors.
