GENERAL SANTOS CITY – Gipa-medikal na ang 15 anyos nga babaye human nga nagreklamo nga gilugos sa upat ka suspek.
Kini human nga naaresto human nga gitudlong nanlugos kaniya nga nag-edad og 14, 15, 16 samtag ang usa nagpangidaron og 20-anyos nga nailhan sa pangalan nga si Arboy Bohol nga residente sa Brgy. Labangal ning syudad.
Sa pkighinabi sa Bombo Radyo, hugot nga gipanghimakak ni Bohol nga gilugos nila ang 15-anyos.
Pasado alas 12:00 sa tungang gabie miaging adlaw dihang nakit-an nga nagbaktas ang biktima nga nakaila usab kaniya.
Sa iyang pamahayag, dayo sa Makar ang biktima ug kalit lang muabot sa lugar pagka-alas 12:00 sa gabie.
Apan natingala sila nga pagkabuntag, sila ang gitudlo sa biktima nga nanlugos kaniya.
Nagtuo si Bohol nga nalugusan na ang biktima una nila nakit-an sa dalan nga nagbaktas tungod kallag na kaayo ang buhok og wala mayo pagkaplastar ang sapot og short lakip ang bra.
Sa pahayag usab sa 16 anyos, lango sa ilimnong makahubog ang biktima, galaway ug may mantsa pa sa dugo og short dihang ilang nakit-an hinungdan nga gi-alalayan ug gidala sa videokehan aron makatulog.
Apan magmata ang biktima ug mugawas hinungdan nga ilaha na lang gipasagdan.
Ang upat ka suspek ang nagpabiling balhug sa selda sa Makar Police Station.
