GENERAL SANTOS CITY – Giatangan karon sa kadaghanan kung kinsa ang uban pang personalidad nga lakip sa 2nd batch nga kasuhan tungod sa kalambigitan sa Kabus Padatuon kon KAPA Community Ministry International Inc nga gikabutyag sa Securities and Exchange Commission nga usa ka investment scam.
Matud sa SEC, magpagawas pa sila ug mga pangalan sa mga naapil sa maong scam samtang padayon ang imbestigasyon.
Matud pa ni SEC Chairman Emilio Aquino nga posibleng maangin usab sa mga musunod nga reklamo ang mga ‘galamay ‘ sa KAPA nga nagpakatag ug fake news.
Lakip na niini ang mga ga-programa sa radyo, TV, ug internet aron mang-awhag sa kanilang mga mabiktima.
Luyo nga kanselado na ang registration sa KAPA apan padayon gihapon matud pa sa pag-imbita pinaagi sa 30% nga interes matag bulan, kansa dili makaturangon segon sa SEC.
Kagahapon dihang pormal nang nagpasaka ug criminal charges ang SEC batok sa mga KAPA officials sa paglapas sa RA No. 8799 sa (Securities Regulation Code) sa DOJ.
Lakip sa mga gikasuhan si KAPA founder Joel Apolinario, asawa niini nga si Reyna nga nagsilbing corporate secretary, ug ilang trustee nga si Margie A. Danao.
Lakip pa sa gikasuhan sa SEC silang Marisol M. Diaz, Adelfa Fernandico, Moises Mopia, Catherine Evangelista ug Rene Catubigan tungod sa pag-awhag ug pag-promotar sa KAPA.
