Mukabat sa 29 ka mga barko sa China ang naglawig sa nagkalain lain nga lugar sa West Philippine Sea (WPS) kaniadtong Oktobre sumala sa Philippine Navy .
Sumala pa nga namonitor sa Armed Forces of the Philippines ang 15 ka Chinese Coast Guard vessels ug 14 ka People’s Liberation Army Navy vessels samtang miagi sa bisinidad sa Bajo de Masinloc, Sabina Shoal, Julian Felipe Reef, ug Iroquois Reef.
Sumala kang Philippine Navy spokesperson for the WPS Rear Admiral Roy Vincent Trinidad nga ang naasoy nga mga barko ang wala muhunong .
Gani adunay kinatibuk-ang 13,874 ka mga barko ang namonitor nga miagi sa kadagatan sa Pilipinas sa tibuok bulan sa Oktobre.
Sa mga nahisgutang mga barko 11,097 ang mga langyaw samtang 2,777 ang domestic.
Kaniadtong 2016 gipagawas sa international arbitration tribunal sa The Hague ang pabor sa Pilipinas batuk sa claim sa China sa South China Sea apan wala kini giila sa China tungod matud pa wala kini basihan.
