Ang husay ni Bise Presidente Sara Duterte sa impeachment court lagmit molungtad og tulo ka bulan tungod kay ang mga publiko ug pribadong piskal gikataho nga mopresentar og hangtod sa 25 ka mga saksi batok sa bise presidente.
Nasayran kini gikan sa lead prosecutor ug Batangas Rep. Gerville Luistro apan nagdumili siya sa pagngalan sa ilang mga saksi nga moduso sa bise presidente sa upat ka Articles of Impeachment nga gipasa sa House ngadto sa Senado.
Wala pa’y impormasyon ang prosecution team kung pila ka mga saksi ang ipresentar sa depensa aron ma-abswelto ang bise presidente, apan matod niya nga ang mga piskal mo-cross-examine usab kanila.
Kini giingong gitumong aron mapamubo ang husay ug dili molapas sa tulo ka bulan tungod kay ang gidaghanon sa mga saksi nga ipresentar sa prosecution team mokunhod, bisan alang sa depensa.
Samtang, bisan wala gihisgutan ni Luistro ang mga ngalan sa ilang mga saksi, usa sa mga una nga nahisgutan sa miaging mga bulan mao si kanhi Sen. Antonio Trillanes III.
Kini may kalabotan sa P181 milyon nga giingong misulod sa bank account ni Duterte, nga giingong gikan sa usa ka drug lord sa Davao.
