GENERAL SANTOS CITY – Mukapin sa baynte ka mga public school teachers dinhi sa dakbayan ang gibutang sa usa ka isolation facility samtang gina obserbahan ang ilang kahimtang.
Kini human gituhuang nga nagka close contact sa usa ka magtutudlo nga taga Polomolok nga nagtudlo sa New Society Elementary School nga gikataho nga nagpositibu sa coronavirus disease.
Matud ni Gensan School Division Superintendent Romelito Florez nga bisan ug wala pay opisyal nga findings nga gipagawas ang Department of Health dili una sila makagawas sa lugar.
May Nurse matud pa nga nagmonitor sa ilang kahimtang luyo nga wala gisulti sa opisyal ang gikahimutangan sa mga nahisgutan.
Samtang epektibu na ang kamandu-an ni DepEd 12 Director Allan Farnazo nga mag work from home ang mga magtutudlo ug sundon ang mga gipatuman nga health protocol.
Gani gamiton sa DepEd ang mga job orders sa paghatud sa mga modules samtang magpadayon ang pag imprinta nga gipahigayon.
Lakip sa kamandu-an sa ilang labaw nga limitahan ang pagpasulod ug tawo sa mga tulunghaan samtang gapaabot sa class openings karong Oktobre 5.
