GENERAL SANTOS CITY – Kustodiya sa kapulisan ang tulo ka sakyanan nga nalambigit sa disgrasya sa dalan sa National Highway, Sitio Buayan Brgy. Malandag, Malungon Sarangani Province.
Dead on arrival sa ospital ang sakay sa pick-up nga silang Norman Dikagalitan og Ronald Flora nga naglingkod sa passengers seat.
Samtang samaron og nagpabilin ospital ang half- Filipino-German nga si Martin Philip Storm. Ang tulo ang pulos taga Davao City og contructor sa usa ka mall sa syudad.
Matud kang PSr/Insp. Arman Tuban, deputy station commander sa Malungon Municipal Police Station, sa inisyal nilang imbestigasyon ang nakit-an nilang sad-an sa disgrasya mao ang trailer truck nga maneho ni Ernesto Solmistrado Jr. Brgy. Mabuhay ning syudad.
Kini gumikan parehong naghunong na sa dalan ang pick -up og ang dump truck gumikan one-way ang kalsada tungod sa road construction.
Nagdiretso og padagan ang trailer truck ug nabanggaan ang pick-up. Hinungdan nga ang pick up ang na-sand-wich tali sa trailer truck og dump truck nga nagkarga og graba.
Walay nasamdan sa mga sakay sa dump truck ingon man ang driver sa trailer truck.
Nagpahimangno ang opisyal nga mag-amping sa pagmaneho aronn makalikay sa disgrasya.
