Gikumpirma nilang Atty. Israelito Torreon og Jeffrey Celiz nga duha ang namatay matod pa sa atake sa puso, pipila pa ang nawad-an og panimuot gikan sa mga followers og supporters sa Kingdom of Jesus Christ (KOJC) atol sa pagserve sa warrant of arrest batok kang Pastor Quiboloy.
Matud ni Celiz, usa ka lalaking miyembro sa KOJC ang nakabsan sa kinabuhi human nga giatake sa kasingkasing.
Ang namatay gideklara nga ‘dead on arrival’ sa ospital.
Samtang matod ni P/Brig. GeneraL Nicholas Torre II sa Davao regional police nga duha ka warrant of arrest ang ilang gi-serve.
Kapin sa dos-mil ka mga pulis ang gipakatag atol sa pagserve sa arrest warrant batok kang Quiboloy og sa mga kaubanan niini sa compound sa maong relihiyosong grupo.
Ang KOJC compound ang nahimutang sa Buhangin District, Davao City.
Ang maong self-proclaimed appointed son of god ang nag-atubang sa kaso nga paglapas sa Section 5(b) sa Republic Act 7610 ukon Special Protection of Children Against Abuse, Exploitation, and Discrimination Act og Section 10(a) sa maong balaud.
Nag-atubang usab si Quiboloy og non-bailable Qualified Human Trafficking charge ilawom sa Republic Act No. 9208 sa Pasig court.
