Mohatag ang Palasyo sa Malacañang og tag-P100,000 nga tabang pinansyal sa duha ka miyembro sa Philippine Navy nga nasamdan sa insidente nga nahitabo sa Ayungin Shoal.
Sumala sa Palasyo, ang tabang isip pag-ila sa sakripisyo ug dedikasyon sa mga sundalo nga nasamdan samtang nagtuman sa ilang mga katungdanan sa gikuwestiyon nga bahin sa West Philippine Sea.
Wala pa gipagawas sa Malacañang ang identidad sa duha ka personahe sa Navy ug ang mga detalye sa ilang mga samad. Bisan pa, gipasalig sa gobyerno nga padayon silang makadawat sa gikinahanglan nga suporta samtang sila nagpaayo.
Mahinumduman nga ang Armed Forces of the Philippines (AFP) kaniadto nag-ingon nga usa ka miyembro sa PH navy ang gibunalan og kahoy nga baton, nga miresulta sa kadaot sa ulo.
Kini tungod usab sa padayon nga pakigbisog sa Pilipinas alang sa mga katungod ug soberanya niini sa nahisgutang kadagatan, nga naa sa sulod sa exclusive economic zone sa nasud.
Gipanghimakak sa China Coast Guard (CCG) ang pasangil ug giinsistir nga ang mga personahe sa Pilipinas ang una nga migamit og mga bugsay isip hinagiban aron bunalan ang ilang mga personahe.
