Anaa na sa kostudiya sa kapulisan sa Tubay, Agusan del Norte ang duha ka mga pulis nga sakop sa Agusan del Norte-PPMG kon Police Provincial Mobile Group human nakapusil-patay og usa ka sibilyan nga nagmaoy kagabii didto sa highway sa Purok 2, Brgy. Victory.
Sa eksklusibong pakighinabi sa Bombo Radyo Butuan, gibutyag ni Tubay chief of police Major Lizandro Leopardas, duna’y deperensya sa pangisip ang biktima nga nagmaoy matud pa bitbit ang sundang.
Usa matud pa motorsiklo ang misirko human gibabagan sa padayon pang gi-ilang lalaki dihang na-ilog niini ang sundang nga bitbit sa driver sa motor atol sa iyang pagmaoy rason sa pagpangayo og police assistance sa mga tawo.
Dihang gibadlong sa mga pulis, wala matud pa kini mupatuo ug hinuon mipaduol kanila rason nga ilang gipasalbahan sa paa apan padayon gihapong midasdas rason nga ila kining gipusil isip depensa sa ilang kaugalingon.
Gipa-ilalom na sa paraffin test ang duha ka pulis sa PNP Crime Laboratory samtang gipa-ilalom usab sa ballistic examination ang ilang dalang armas.
