Dakpan sa kapulisan sa Glan Municial Police Station ang duha ka indibidwal human kining maharang sa checkpoint sa National Highway, Purok Melchomo, Brgy. Baliton, Glan Sarangani Province kagahapong adlawa, Abril 9 alas 10:30 buntag.
Giila sa mga awtoridad ang suspek nga silang alyas Jouvert, 28 anyos driver ug alyas Josephine, 53 anyos usa ka negosyante nga parehong mga residente sa Brgy. Small Margus, Glan Sarangani Province.
Sa inisyal nga imbestigasyon, kagahapong adlawa sa samang oras ang joint PNP elements sa Glan MPS ug 1st Provincial Mobile Force Company 3rd Platoon, ang nagpahigayon ug routine checkpoint o (COMELEC Checkpoint) dihang ilang gipara ag usa ka Bonggo nga kulay red/white nga gimanehoan ni alyas Jouvert ug sakay niini si alyas Josephine.
Sa pagsuta sa karga sa mga nahisgutan ilang nasayran ang 2 ka karton nga dunay sulod sa smuggled cigarettes sa back seat sa maong sakyanan.
Sumala pa nga ang sulod sa 2 karton ang 20 ka reams sa Cannon Menthol 100’s ug 24 ka reams sa NEW BERLIN ang na rekober usab nga dunay estimated total market value nga P16,000.
Dugang pang mga impormasyon nga gikan matod pa sa Indonesia ang mga sigrailyo. Ang mga nahisgutan ang naaresto gumikan sa kapakyasan niini sa pagpakita ug mga dokumento sailang mga dala.
Gisaysay usab sa mga dinakpan nga sa napalit nila ang mga smuggled cigarettes sa drop shipping sa bahin sa P. Acharon Blvd., sa Brgy. Bula, ning syudad. Sa karun ang Glan MPS ang nakaig coordinate na sa Bula Police Station alang sa follow up investigation.
Samtang ang mga dinakpan ang gikustodiya sa Glan MPS custodial facility ug takdang pasakahan ug kasong Violation of RA 10863 and Graphic Health Warnings on Tobacco Products Violation of RA 10643.
