GENERAL SANTOS CITY- Mukabat sa 172 ka mga Police personnel ang ipakatag sa kapulisan sa unom ka dagkong sementeryo sa Nobyembre 1, 2024.
Kini gilangkuban sa tulo ka dagkong pribado nga sementeryo samtang laing tulo usab ka sementeryo nga pampubliko.
Matud ni City PNP Director Col. Nicomedes Olaivar Jr. nga 625 ka mga indibidwal ang kabahin sa security forces nga i-deploy sa Kalag Kalag.
Gawas sa himuong pagbantay sa kapulisan magpahigayon usab ug checkpoint sa pipila ka lugar sa syudad.
Giangkon usab ni Olaivar nga hilabihan ka linaw ang Gensan samtang kung kulangon pa ang maong ihap muhangyo matud pa kini sa Police Regional Office(PRO) 12 aron idugang sa mga anaa sa dalan.
Subli nagpahinumdom sa publiko si Olaivar nga likayan ang pagdala sa mga ginabawal sama sa mahait nga mga butang, ilimnon nga makahubog, baraha, sound system, armas ug uban pang hinagiban.
