Gipahibalo ni Israeli Prime Minister Benjamin Netanyahu nga hapit na matuman sa Israel ang tumong niini nga patyon ang tanan nga anaa sa luyo sa pag-atake sa Hamas niadtong Oktubre 7, 2023.
Kini human kumpirmahon sa militar sa Israel ang kamatayon ni Ezzedine Al-Haddad, usa sa mga kumander sa Hamas, nga namatay sa usa ka airstrike sa Gaza Strip.
Sumala ni Netanyahu, padayon ang Israel sa ilang operasyon ug misaad siya nga manubag ang tanan nga “mastermind” sa maong pag-atake ug hostage-taking nga nakapatay sa kapin 1,200 ka tawo sa Israel.
Miingon usab siya nga kontrolado na sa Israel ang 60 porsyento sa Gaza ug magpadayon sila sa operasyon aron masiguro nga dili na kini mahimong hulga sa ilang nasud.
Sa pikas bahin, sumala sa health ministry sa Gaza, kapin 72,700 ka tawo na ang namatay sukad nagsugod ang opensiba sa Israel niadtong Oktubre 2023, nga kadaghanan mga sibilyan.
