GENERAL SANTOS CITY – Gikumpirma ni CENRo Abdul Cariga nga gikustudiya nila karon ang 16 ka manok panabong nga gikan sa Cagayan de Oro.
Matud niini nga kagahapon miabut ang 16 ka mga manok sa Gensan Airport gikan sa kauluhan.
Panag-iya matud pa kini sa nagpangalan ug Luisa Rotela nga taga Bayanihan Calumpang ning dakbayan.
Nasayran nga gikan sa Cagayan de Oro ang nahisgutang manok pangsabong apan gidala kini sa kaluhan una gidala dinhi sa dakbayan.
Gikadugang pa sa Opisyal nga maayo unta ug wala gikanaug sa eroplano ang nahisgutang manok ang dili na kini kwestyunon.
Kasamtangan kustudiya karon ang nahisgutang mga manok igsasabong aron ipailawom sa trenta diyas nga kwarantina.
Samtang giangkon sa tag-iya sa nahisgutang mga manok nga wala makahibalo sa avian flu influenza.
Gisaysay niini nga walay sakyanan nga mukarga paingon unta sa dakbayan hinungdan nga napugos sa pagkarga sa eroplano agi didto sa kaluhan una nakaabut dinhi sa dakbayan.
Nasayran nga dili lamang karne sa manok ang giba wal kundi itlog ug ubang poultry products ang dili pasudlon sa Mindanao.
