Mi-abot sa 156 ka kabataan ang na-rescue sa mga personahe sa Department of Social Welfare and Development kon DSWD Field Office 3 – Central Luzon ug Women and Children’s Protection Desk sa Pampanga Police Provincial Office, gikan sa usa ka care facility human makadawat og reklamo nga sila gi-abuso.
Gidakop usab sa mga otoridad ang nagpadagan sa pasilidad nga New Life Baptist Church of Mexico, Pampanga Inc. nga usa ka American national kinsa gikasuhan na og physical abuse.
Nasayran nga ang gate sa maong pasilidad gilibutan og barbed wire, duna’y hu-ot nga tulganan, hugaw nga banyo, ug fire hazard nga hulga sa kaluwasan sa mga bata.
Gilusad ang rescue operation human nakadawat og mga reklamo nga duna’y mga batang nakasinati og physical, verbal, ug psychological abuse, ang DSWD .
Nagpagawas na usab si DSWD Secretary Rex Gatchalian og Cease and Desist Order batuk sa maong pasilidad samtang ang mga bata naluwas na og anaa na sa Reception and Study Center for Children (RSCC) sa DSWD FO-3.
