GENERAL SANTOS CITY – Nagpabiling stable ang kondisyon sa 15 ka mga sakop sa Polomolok PNP nga nagpositibo sa COVID 19.
Matud pa kang P/ Captain Rommel Hitalia, deputy station commander sa Polomolok PNP nga anaa sa isolation unit ang mga nasampit.
Gawas sa 15 ka mga pulis positibo usab sa COVID 19 ang unom ka mga piniriso. Sa iyang pamahayag nga nanukad sa usa ka pulis ang virus hangtud nga natakdan ang uban nga mga anaa sa opisina.
Iyang gipaklaro nga kadtong mga nagpisitibo ang mga admin personnel.
Gidugang pa ni Hitalia nga bisag positibo sa COVID 19 nagpadayon sa ilang nga admin works ang mga nahisgutan.
Hinoon gipaklaro ni Hitalia nga padayon gihapon ang pagserbisyo sa Polomolok PNP sa katawhan apan dili una pwede makasulod nga sa gawas lang estoryahon ang mga transaksyon.
Gikumpirma ni Hitalia nga sa dihang natala ang kapin sa 20 ang kaso sa COVID 19 sa Polomolok sa miaging mga adlaw kasagaran sa mga nasampit ang gikan sa ilang presinto sa kapulisan.
