GENERAL SANTOS CITY – Angayan nga mapailawom sa intervention sa mga social worker ang kinse anyos nga giingong nakasinate ug depresyon human misaka sa karaan nga tangke sa tubig ug buot molokso.
Kini human nasuta nga nakasinate ug pagpangdaug-daug ang menor de edad samtang nagpuyo sa ilang panimalay sa Lansang village Sinawal ning syudad.
Ang pagpangdaug-daug matud pa ang usa sa nakita nga hinungdan nganong nagkaproblema ang kinse anyos nga karon gibantayan sa mga otoridad.
Kahinumduman nga kagabii kalit misaka ang nahisgutang babaye sa abandonado nga tangke nga makita sa likod nga bahin sa DSWD building.
Dali nga nagpahigayon ug rescue operation ang mga tinahsang ahensiya nga nagresulta sa pagluwas sa kinse anyos.
Samtang atoa sa ibabaw nga bahin sa tangke ang babaye nadunggan ang pagpangayu niini ug pasaylo sa iyang Inahan.
Kahinumduman nga nahimo nang hisgutanan kaniadto ang pagpaguba sa naasoy nga tangke human miambak ang usa ka lalaki nga nagresulta sa sayu niini nga kamatayon.
