GENERAL SANTOS CITY – Wala na gidayun sa usa ka amahan ang pagpasaka og kaso batok sa suspek nga milugos sa iyang anak nga nagpangidaron lamang og 15 anyos.
Matud sa report, nag-areglohanay ang mga ginikanan sa rape victim nga wala na gipanganlan og ang suspek.
Gibutyag nga nagtanyag og P10,000 ang suspek, kinsa nagtrabaho matud pa sa Hall of Justice sa GenSan kon asa gidawat usab sa mga ginikanan sa biktima ang maong kantidad sa salapi bugti sa pag-atras sa kaso.
Gani, nipasaligusab ang igsuon sa suspek nga paeskwelahon ang biktima human sa pagmolestiya kaniya sa amo.
Sa imbestigasyon sa kapulisan, nagtrabaho ang biktima sa balay sa suspek.
Dihang silang duha na lamang ang nahibilin sa balay, giadtuan ang biktima sa iyang amo og dayon kalit nga gikuot ang pribadong bahin sa lawas niini.
Una niini, desidido nga mupasaka og pormal nga reklamo ang amahan sa biktima apan sa ulahi giatras ang kaso kon asa katarungan sa nasampit nga dili na gusto og samok og may kaaway.
Apan nasuta nga nahulog sa areglohanay ang kaso human nga gidawat ang salapi nga gitanyag kanila sa suspek.
