Mukabat sa 124 ka mga langyaw ang wala gipasulod sa Bureau of Immigration (BI) sa miaging tuig gumikan dili maayo ang kinaiya.
Matud pa ni Commissioner Joel Anthony Viado nga mitaas ang ihap itandi sa 64 ka kaso sa tuig 2023. Ang mga nasampit ang dili lang gipabalik kung asa gikan apan gi-blacklist na og dili na pwede makasulod sa Pilipinas.
Gumikan nini gapahimangno ang maong opisyal sa mga langyaw nga magbisita sa Pilipinas nga angayang matinahuron og dili mahimong bastos ang kinaiya sa pag-atubang sa mga immigration officers.
Kasagaran sa mga wala gipasulod sa Pilipinas ang mga hubog og may dili maayong kinaiya og ang uban ang galuwat og dili maayong pulong batok sa mga pinoy og sa mga opisyal sa gobyerno.
Matud pa sa maong opisyal nga welcome ang mga bisita sa Pilipinas apan angayang musunod sa mga immigration protocols og sundon usab ang mga patakaran sa Pilipinas.
