Niabot na sa nasud ang 12 ka Pilipino nga biktima sa illegal recruitment ug human trafficking sa Myanmar.
Matud sa Department of Migrant Workers (DMW), nakaikyas ang mga Pinoy sa scam city human gitabangan sila sa militar sa Myanmar.
Nasayran nga gikulata ug gi-kuryente ang mga nakaikyas nga mga Pinoy.
Usahay ginapugos sila nga mag-duck walk, frog walk, jump, ug mag-squat silod sa pipila ka oras.
Gisuwayan usab sa mga Pinoy nga mobiya na sila sa scam city apan ginapabayad sila sa ilahang employer ug $15,000.
Ug kay wala man silay ikabayad, nanagan na lang sila uban sa tabang sa militar sa Myanmar. Dugang pa sa DMW nga ang mga biktima gi-recruit sa Facebook sa usa ka Filipino ug gisaaran silag trabaho sa Myanmar isip customer sales representatives apan pag-abot nila didto nahimo silang online scammers ug wala sila gihatagan og sweldo ug way day off.
Gihatag dayon sa DMW ang mga Filipino og psychosocial services, financial aid, ug legal nga tabang.
