Mga kabombo! Pila ang edad ninyo sa dihang nag skwela kamo sa kolehiyo? . O pila ang edad sa labing bata nga propesor sa unibersidad nga imong nahibal-an? 18? 20?
Unsa kaha kung mahibal-an nimo nga adunay mas bata pa niana? Kani oh.. Nag viral sa Social media ang usa ka batan-ong proffesor nga nailhan nga si Suborno Bari .
Unsaon, sa linghod pa nga pangedaron ni Suborno nga 12-anyos, dili ka magtuo nga usa siya ka hingpit nga propesor.
Matud sa taho giila si Suborno tungod sa iyang pagtudlo sa usa ka klase sa mga estudyante nga mas magulang kaniya. Tungod niini, gimarkahan siya nga labing bata nga propesor sa unibersidad sa kadaghanan.
Si Suborno, taga New York, diin, niadtong dos anyos pa lang siya, giingong nakasag-ulo na siya sa periodic table of elements. Sa pagkakaron, nagtuon siya sa Mathematics sa New York University (NYU).
Sumala sa iyang mga ginikanan, si Suborno nakakat-on sa matematika sa edad nga dos anyos ug dali nga nakasabut sa komplikado nga mga equation.
Sa wala madugay, nagsugod siya sa pagtudlo sa lainlaing mga unibersidad, lakip ang usa ka imbitasyon gikan sa India sa dihang siyete anyos pa lang siya.
Bisan sa iyang kabatan-on, mas nakatutok karon si Suborno sa iyang pagtuon kaysa pagtudlo, apan nakadawat gihapon siya og mga imbitasyon sa lecture.
Matod ni Suborno, swerte kaayo siya nga adunay mga ginikanan nga kanunay nagsuporta sa iyang mga pangandoy.
