Nag andam ang Department of the Interior and Local Government (DILG) n og task force nga gilangkuban og 10,000 ka tawo para sa posibleng operasyon sa “dragnet” aron dakpon si Senador Ronald “Bato” dela Rosa.
Kini nga team ipadala kung adunay warrant of arrest gikan sa International Criminal Court (ICC) batok sa senador.
Giingon kini ni Interior Secretary Jonvic Remulla human migawas ang bag-ong report karon nga ang ICC nag-isyu og warrant of arrest batok kang Dela Rosa.
Sumala sa inisyal nga impormasyon, ang mga representante sa International Criminal Police Organization (Interpol) ania sa Pilipinas aron dakpon ang senador.
Bisan pa, sumala ni Secretary Remulla, wala pa siyay nadawat nga impormasyon nga adunay warrant of arrest.
Sumala ni Department of Justice (DOJ) Spokesperson Atty. Polo Martinez, sa pagkakaron, wala pa silay nadawat nga impormasyon bahin sa giingong warrant of arrest.
Sumala ni Secretary Remulla, sa ilang monitoring, si Dela Rosa naa pa sa rehiyon sa Davao apan wala siya mohatag og espesipikong lokasyon.
Ang dragnet operation nga ilang giandam usa ka dakong operasyon sa kapulisan o seguridad diin ang mga awtoridad mag-deploy og mga personahe sa daghang mga lugar sa samang higayon aron masubay ug madakpan ang target.
Nahibal-an nga niadtong Nobyembre 2025, gipahibalo usab ni Ombudsman Boying Remulla nga aduna siyay kopya sa warrant of arrest sa ICC batok kang Dela Rosa. Sukad niadto, wala na motungha si Dela Rosa sa tanang sesyon sa Senado.
