Laing barko o bulk cargo carrier nga adunay mga tripulante nga Pilipino ang giatake sa militanteng grupong Houthi sa Red Sea.
Sa taho gikaingon nga luwas na ang tanang 27 ka Filipino seafarers sakay sa MV Transworld Navigator.
Gikumpirama usab kini sa Department of Migrant Workers (DMW) pinaagi ni Secretary Hans Cacdac.
Sa bahin usab sa Houthi gikompirma nila nga usa sa mga barko nga ilang giatake karong semanaha mao ang Transworld Navigator gamit ang uncrewed surface boat.
Ang unang pagpabuto sa grupo gikatahong hinungdan sa pagkasunog sa bahin sa barko apan napalong usab gilayon.
Bisag nadaot, nakapadayon gihapon sa paglawig ang barko.
Sa karun nagpaabot pa gihapon ang DMW ug impormasyon bahin sa nawala nga Pinoy nga sakay sa barko nga MV Tutor, nga giatake usab sa mga Houthi ug nalunod.
