Nagplano karon ang double Olympic gold medalist nga si Carlos Yulo nga makita ang iyang kanhi coach nga si Munehiro Kugimiya.
Si Kugimiya mao ang coach ni Yulo gikan sa 2016 hangtod 2023 nga nakatabang kaniya nga mahimong usa ka world-class gymnast.
Matud pa ni Yulo nga gusto niyang hatagan og recognition ang former coach tungod kay siya ang nag-umol kaniya.
Dili pa usab sigurado kung makauban ba niya ang former coach sa sunod nga mga sesyon sa pagbansay.
Posible sa bulan sa Nobyembre, si Yulo mobisita sa Kugimiya sa Japan.
Si Aldrin Castaneda maoy kasamtangang coach niini.
Nanghinaot usab kini nga adunay Team Yulo sa umaabot nga Olympics 2028 diin makauban niini ang mga igsuon.
Ang iyang manghod nga si Karl Eldrew, nakadaog og bulawan sa nagkalain-laing international gymnastics competitions samtang ang ilang kamanghuran nga si Elaiza, nakadaog sab og gold medals sa miaging 2024 Palarong Pambansa nga gipahigayon sa Cebu.
