GENSAN– Malampusong natapos kagahapong adlawa, Nobyembre 16, 2025, ang tulo-ka-adlaw nga Yaman GenSan Trade Fair and Exhibit 2025 nga gipahigayon sa usa ka mall sa dakbayan.
Ang maong kalihokan mitigom sa 47 ka micro, small, and medium enterprises (MSMEs) aron ipakita ang ilang mga produkto ug serbisyo ilawom sa tema nga “Yabong MSMEs: Driving Innovations, Fueling Growth, Building Resilience.”
Gipasiugda kini sa Department of Trade and Industry–GSCSO uban sa City Government of General Santos aron hatagan og mas lapad nga merkado, dugang oportunidad, ug kusog nga suporta ang lokal nga mga negosyante.
Human sa tulo ka adlaw nga exhibit, napamatud-an nga padayon gayud ang pagtubo sa MSME sector sa syudad, nga nagpakita sa kusog sa lokal nga negosyante ug sa suporta sa komunidad alang kanila.
Nagpabilin nga mapasalamaton ang mga exhibitors, business groups, ug partners sa kalampusan sa Yaman GenSan 2025, nga misangko sa dakong kontribusyon sa pagpalig-on sa entrepreneurial landscape sa General Santos City.
