Wanted, sikop sa operasyon

GENERAL SANTOS CITY – Gikatakdang i-iintrigo sa korte ang usa ka wanted person nga nabalhog karon sa selda sa Alabel Municipal Police Station human kini naaresto human nga gipatuman ang warrant of arrest.

Giila ang dinakpan nga si Marjoy Dela Cruz, 32 anyos minyo nga taga Prk. 2 Brgy. Pagasa, Alabel, Sarangani.

Nag-atubang ang nasampit sa duha ka kasong paglapas sa Sec 5 sa RA 9262 o Anti-Violence Against Women and Their Children Act.

Nakadawat og impormasyon ang mga otoridad kalabot sa presensiya sa suspek sa Brgy pagasa hinungdan gilayong gikasa ang operasyon og nakorner si Dela Cruz.

Kauban sa Alabel Municipal POlice Station sa operasyon ang sakop sa CIDG-Sarangani, Sarangani Provincial Police Office og Provincial Intelligence Branch.