GENERAL SANTOS CITY – Gibuhian sa Bula Police Station ang walo nga naaresto nga trabahante sa lima ka STL kon Small town lottery dihang nagpahigayon og operasyon batok iligal nga sugal.
Matud pa ni PCI Bryan Salvacion, chief of police sa maong presinto nga niadto sa iyang opisina ang representante sa gadumala sa PCSO sa Socsargen og gipamatud-an nga legal ang operasyon sa lima ka STL outlet nga ilang gipahigayunan og operasyon miaging semana.
Gibutyag nga ang walo nga naaresto ang lehitimong STL operators basi sa gihatag nga sertipikasyon sa PCSO.
Nasayran nga ang lima nga gipasiradong STL outlet sa Bula PNP ang naa nahimutang sa Brgy. Bula og Brgy. South.
Mismong ang PCSO ang nag-identify nga lehitimo ang mga nasampit nga STL outlet.
Kalabot niini, gipahimangnuan sa kapulisan ang publiko nga lauman ang hugot nga operasyon batok sa iligal sugal bisan pa ang ginagmay lamang nga sugal.
