Gipasalig sa Department of Health (DOH) nga dili kinahanglan nga mabalaka sa mga taho sa pagtaas sa mga kaso sa COVID-19 sa pipila ka bahin sa Southeast Asia.
Matod sa DOH, padayon sila nga nakig-alayon sa Association of Southeast Asian Nations (ASEAN) aron makakuha og verified information ug mamentinar ang pagpangandam sa nasod.
1,774 lang ka kaso sa COVID-19 ang natala sa Pilipinas as of May 3, 2025, 87% ubos sa 14,074 cases niadtong 2024 samtang 1.13% lang ang case fatality rate.
Samtang, gipahinumdoman gihapon sa DOH ang publiko sa pagsunod sa mga health protocol aron malikayan ang lainlaing mga sakit.
Apil na niini ang pagsul-ob og face mask sa mga pasilidad sa panglawas, pagtak-op sa baba kung ubo, paghugas kanunay sa kamot, pagpabilin sa balay kung masakit, ug pagkonsulta dayon sa doktor kung adunay mga sintomas.
