Nagtuo si Presidential Adviser on Poverty Alleviation Secretary Larry Gadon nga posibleng matangtang si VP Sara Duterte isip bise presidente sa nasod nunot sa iyang hulga kang Presidente Ferdinand Marcos Jr.
Matod ni Gadon, iyang irekomendar sa mga Kongresista nga ideklarar nga ‘incapacitated’ o ‘dili na makamando’ si Duterte human sa iyang mga pamahayag nga nakig-estorya siya sa usa ka “assassin” aron patyon ang PBBM
“Her threats to kill the President, the First Lady, Liza Araneta Marcos and Speaker Martin Romualdez is a clear manifestation of an unstable mind and abnormal thinking, so therefore she is mentally incapacitated,”
Gihimo ni Duterte ang pamahayag sa usa ka press conference karong Biyernes human sa pagbisita sa iyang chief of staff nga si Zuleika Lopez, kinsa gibalhin sa St. Lukes hospital human natanggong sa House detention facility.
Gipasabot pa ni Gadon nga dunay duha ka paagi aron matangtang ang Bise Presidente sa House of Representatives, gawas sa pagdeklarar niini nga ‘incapacitated’, mahimo sab siyang matangtang pinaagi sa impeachment
