Direkta nga gipahibalo ni Bise Presidente Sara Duterte nga “dili na siya” makigtambayayong kang Presidente Ferdinand Marcos Jr.
Mao kini ang pamahayag sa ikaduhang Presidente human gipangutana kon duna pa bay kahigayonan nga magka-tandem siya ug ang Chief Executive.
Wala mopasabot si VP Sara nganong niingon siya nga “never again” aron makauban pag-usab si Pang. Marcos.
Kung mahinumduman, nag-uban silang Pang. Marcos ug VP Sara sa miaging 2022 Presidential elections ubos sa Unity Team.
Matud niya nga sa unang duha ka tuig, maayo ang relasyon sa duha apan pagsulod sa ikatulong tuig, anam-anam na nga nitumaw ang mga hungihong hangtod sa buwan sa Hunyo, kung asa ni-resign si VP Sara isip DepEd Secretary.
Gipahibalo usab sa Bise Presidente nga dili sila managhigala ni Marcos ug nagkita lang sila atol sa kampanya mao nga dili sila suod.
Dugang pa niini nga ang iyahang higala si Senador Imee Marcos.
Matud pa ni VP Sara nga ulahi silang nmag ka istorya ni BBM kaniadtong niadto siya sa Malacañang ug ni-resign sa iyang katungdanan isip secretary sa Department of Education (DepED).
