Nagpasidaan si kanhi Supreme Court Associate Justice Antonio Carpio nga si Bise Presidente Sara Duterte mawad-an sa iyang katungod sa pagduso og tubag kon mapakyas siya sa pagduso og tubag sa writ of summons nga giisyu sa Senate impeachment court niadtong Hunyo 10.
Bisan og makapresentar pa siya og ebidensiya, si Carpio niinsistir nga naa sa pagbuot sa Senado kon tugotan ba si Duterte sa pagpresentar sa iyang depensa bisan pa sa deadline.
Kahinumduman nga natapos karong adlawa, Domingo, Hunyo 21, ang 10 ka adlaw nga grace period sa iyang tubag, apan tungod niadtong Sabado, mahimo pa kining isumite sa kampo ni Duterte hangtod sa Lunes (Hunyo 24).
Gikompirma usab sa tigpamaba sa impeachment court nga si Atty. Regie Tongol nga magpadayon ang pagbista bisan kon mapakyas si Duterte sa pagtubag sa maong summon.
Sa laing bahin, masaligon si Carpio nga moduso og tubag ang habig ni Duterte tungod delikado ang ilang depensa kon dili.
Bahin niini, si Carpio usab miingon nga ang Korte Suprema mahimong momando sa Senado sa pagpadayon sa husay, ug nga ang impeachment court adunay gahum sa pag-subpoena sa mga rekord sa bangko—usa ka importanteng bahin sa proseso.
Kahinumdoman nga ang impeachment complaint batok kang Duterte may kalambigitan sa iyang giingong pag-abuso sa confidential funds sa gobyerno, wala mapasabot nga bahandi, kalambigitan sa extrajudicial killings sa Davao City, ug sa iyang kontrobersyal nga pamahayag nga naghulga sa pagpatay kang Presidente Ferdinand Marcos Jr., First Lady Liza Marcos, ug Speaker Martin Romualdez.
