-- ADVERTISEMENT --
Gipahibalo ni Atty. Paul Lawrence Lim, legal counsel ni Vice President Sara Duterte sa kasong grave threats, nga gamiton sa ilang kampo ang tanang legal nga remedyo may kalabotan sa warrant of arrest nga gipagawas batok sa bise presidente.
Matud ni Lim, bisan pa adunay mga isyu bahin sa hurisdiksiyon sa korte, wala’y plano si VP Sara nga molikay sa balaod ug padayon niyang gamiton ang tanang legal nga remedyo nga gitugotan sa balaod.
Gipagawas sa Quezon City Regional Trial Court Branch 98 ang warrant of arrest niadtong Biyernes, Septiyembre 4, human makit-an sa korte ang probable cause aron ipadayon ang paglitis sa bise presidente.
Gitakda usab sa korte ang piyansa nga P120,000 alang sa matag count sa kaso.
