Gikumpirma sa Office of the Vice President (OVP) nga si Vice President Sara Duterte anaa karon sa usa ka biyahe sa gawas sa nasod diin adunay gitakdang mga kalihokan sa Qatar, United Kingdom, ug Netherlands.
Lakip sa iyang mga kalihokan ang pagtambong sa usa ka forum, pakigkita sa Filipino community, ug uban pang opisyal nga mga aktibidad. Sumala sa OVP, walay gamiton nga pondo sa gobyerno alang sa tibuok biyahe sa Bise Presidente.
Ang iyang pagbiyahe nahitabo samtang nagpadayon ang impeachment trial sa Senado. Sa pagdungog kagahapong adlawa, mitambong isip katapusang saksi sa prosekusyon alang sa article IV sa impeachment complaint si NBI Director Melvin Matibag.
Niadtong miaging adlaw, nagpagula usab ang impeachment court og subpoena alang sa bank records, tax documents, ug mga file sa Anti-Money Laundering Council ni Duterte, nga may kalabotan sa article II nga naghisgot sa giingong unexplained wealth.
