GENERAL SANTOS CITY – Gipasalig ni Comelec 12 Assistant regional director Atty Jose Villanueva nga may paigo pang panahon alang sa ilang pagpangandam sa Midterm elections sa Mayo.
Kini luyo nga sa Mayo 5 matud pa gilaumang makaabot sa siyudad ang mga vote counting machines.
Sa pagkakaron ang miabot pa lang mao matud pa ang mga ballot boxes, laptop, batteries ug uban pang election paraphernalia.
Apan tungod sa Mayo 13 pa eleksyon, may paigo matud pang panahon, ug bisan sa Mayo 10 pwede pang magpahigayon ug testing sa mga makina.
Samtang, nahuman na matud pa ang pagbansay sa mga personahe nga manguna sa piniliay sama sa mga DepEd supervisors, electoral boards, ug mga miyembro sa board of canvassers.
Apan una ang mismong aldaw sa piniliay, magpahigayon matud pa ug final briefing, apil na ang mga support staff.
Sa karon gipaabot matud pa nila ang pinal nga ideklara sa PNP nga mga election hotspots, ang ipatuman nga Comelec control kung asa magpahigayon matud pa sila ug coordinating conference aron mapinalisa ang tanan.
