Mayor Pacquiao mipasaka og hangyo sa DA alang sa suporta sa mga mag-uuma ug mananagat sa Gensan

GENSAN- Gipahibalo ni Mayor Lorelie Pacquiao nga gipasa na sa lokal nga kagamhanan sa Gensan ang ilang hangyo ngadto sa Department of Agriculture (DA) aron matabangan ang mga mag-uuma ug mananagat sa siyudad.

Matud pa niya nga giapil sa ilang gisumite ang lista sa mga benepisyaryo nga gikan sa City Agriculture Office ug karon naghulat na sila sa tubag sa nasudnong ahensya.

Gipasabot sa mayor nga naglaum sila nga adunay mahatag nga dugang suporta alang sa mga sektor nga apektado sa krisis.

Dugang pa niya, nagapangita usab ang LGU og pondo aron makahatag og lokal nga ayuda sa mga mag-uuma ug mananagat.

Gipasiugda niya nga padayon ang ilang paningkamot sa pagtabang sa mga apektadong sektor aron mapagaan ang ilang kahimtang.