Mga sikad driver sa Gensan, ginapangitaan na og paagi sa LGU aron mahatagan og tabang taliwala sa krisis sa lana

GENSAN- Gipahibalo ni Gensan City Mayor Lorelie Pacquiao nga ginahimo na karon ang profiling sa mga sikad driver sa matag barangay sa dakbayan aron matino ang ilang kahimtang ug panginahanglan.

Sumala sa mayor nga ginapangitaan pa-usab og pamaagi kon unsa ang mahimong mahatag nga suporta gikan sa pondo sa LGU alang kanila.

Gipasabot niya nga tumong niini ang paghatag og mas tukmang ayuda ug benepisyo sa sektor sa transportasyon.

Gidugang pa niya nga ang LGU sa Gensan mao ang pinakaunang naghatag og fuel subsidy sa mga tricycle driver nga nagkantidad og P1,500.

Gipasiugda sa mayor nga padayon ang ilang paningkamot sa pagtabang sa mga drayber ilabi na sa pagsaka sa presyo sa lana.