GENERAL SANTOS CITY – Naputos sa kalipay ang mga opisyal sa Dr Jorge P. Royeca hospital dihang gideklara nga gawasnon na ang 22 anyos nga lalaki nga COVID positive sa dakbayan.
Kini human ang send off ceremony nga gipahigayon gawas sa health facility kagahapon.
Usa ka bulan nga nagpuyo sa COVID center ang 22 anyos nga lalaki human nagpositibo sa dihang miabut sa dakbayan kaniadtong Mayo 31, 2020.
Naa usab ang presensya sa inahan sa COVID survivor nga mitunol sa iyang pagpasalamat sa mga doktor, nurses ug mga frontliners nga mitabang aron mauli-an ang anak .
Gipasalamatan usab niini ang mga opisyal sa syudad nga nagpabarug sa COVID center nga nahimong pinuy-anan sa iyang anak sulod sa usa ka bulan.
Human gibasa ang certification nga negatibo na sa coronavirus ang 22 anyos gilayon kini nga gihatag kaniya.
Nasuta nga gipahimu-an ug laing lawak ang batan-on samtang kini obserbahan gumikan sa iyang sitwasyon.
