US naglatag ug evacuation plan alang sa mga lungsuranon nga naiipit sa giyera sa Israel ug Iran

Gibutang na sa US ang mga plano sa pagbakwit alang sa mga lungsuranon niini sa Israel.

Matod sa embahador sa US sa Israel nga si Mike Huckabee, pipila sa mga lungsuranon niini gustong mobiya sa Israel tungod sa nagkagrabeng tensyon sa Iran.

Ang embahada sa US sa Jerusalem gikataho nga nag-andam sa mga evacuation flights ug mga cruise ship nga gamiton.

Gitudloan usab niini ang mga lungsuranon kung giunsa ang pagparehistro alang sa proseso sa pagbakwit.

Ang Israel padayong magpaulan ug missile sa Iran tungod sa giingong pagpalapad niini sa mga armas nukleyar niini.