Nihatag ang Estados Unidos og P28 milyones o $500,000 nga kantidad sa humanitarian supplies ug logistical support sa Pilipinas alang sa atong mga naapektuhan sa Bagyong Julian.
Ang maong tabang gipangunahan sa United States Agency for International Development (USAID) nga maghatag og emergency shelter, tubig, sanitation ug hygiene nga suporta.
Mokabat sa 4,000 ka pamilya o mga 16,000 ka mga tawo ang mahatagan ug hinabang gikan sa Amerika.
Sumala sa US Embassy dinhi sa Pilipinas, sukad niadtong Oktubre 7, ang US Department of Defense nagpalihok sa military assets aron sa paghatag og logistical support sa Armed Forces of the Philippines ug sa personnel sa Office of the Civil Defense sa transportasyon sa humanitarian supplies.gikan sa Manila hangtod sa Batanes
Gipasalig ni US Ambassador Marykay Carlson ang tabang sa America sa mga naapektuhan sa Hurricane Julian.
Siya miingon nga ang US sa pagkakaron nakigkontak sa ilang mga higala ug kaubang Pilipino aron motabang sa pag-apod-apod sa humanitarian aid.
Mapasigarbuhon ang US nga sukad niadtong 2010 midonar na sila og P21.8 Billion o mukabat sa $388 million sa Pilipinas alang sa disaster response, preparedness and recovery.
