GENERAL SANTOS CITY – Gidagsa og daghang registrants ang Comelec Gensan sa Barangay West ning syudad sa unang adlaw sa voter registration alang sa October 28, 2023 Barangay and Sangguniang Kabataan Elections.
Sayo pa lang sa buntag daghan na ang mipili nga kasagaran mga hamtong ang pangidaron.
Nasayran nga karong adlawa ang sugod sa voter registration alang sa sunod tuig nga eleksyon.
Kung magparehistro angayang magdala og birth certificate ang mga botante.
Gipahibalo nga walay satellite registration nga mahitabo inay sa mga Comelec office.
Sa December 13 og 14 muadto ang mga personahe sa Comelec Gensan sa Barangay San Jose, December 15 ang satellite registration sa Ligaya, December 16 og 17 balik sila sa ilang opisina, December 19 sa Barangay Tambler, December 20 og 21 sa Apopong, December 22 Sinawal, December 23 sa Buayan og December 27 sa Barangay Dadiangas South.
Ang buhatan sa Comelec ang abli gikan Lunes hangtud adlawng Sabado alas 8:00 sa buntag hangtud sa alas 5:00 sa hapon.
